НА „ДЕНОТ БЕЗ АВТОМОБИЛИ“ АВТОБУСИТЕ ЌЕ СООБРАЌААТ ВООБИЧАЕНО
Денеска, среда (22.09.2021 год), возилата од јавниот превоз ќе сообраќаат вообичаено, по редовните траси и покрај одржувањето на велосипедското дефиле како дел од настанот „Ден без автомобили“ во рамки на одбележувањето на Европската недела на мобилност. Од 11 часот, сообраќајот во дел од централното градско подрачје ќе биде регулиран од сообраќајната полиција. ЈСП Скопје апелира на разбирање и трпеливост на корисниците на јавниот превоз во случај на евентуален незначително забавен проток на сообраќање на автобусите.