Ве  известуваме дека во недела (01.03.2015 година), во период од 08.30 до 11.30 часот, на крстосниците помеѓу булеварите Крсте Мисирков и Гоце Делчев, ќе се врши санирање на индуктивни јамки кои се користат за броење на возила, за потребите на ЦУКС. При тоа целосно ќе се затвори сообраќајната лента за десно вртење (во насока од Бит Пазар кон Стоковна куќа - Илинден).

Автобусите од линиите број: 2, 2А, 8, 16, 19, 50, 57 и 59 кои по својата траса ја користат десната лента, при движење од бул.„Крсте Мисирков“ кон бул.„Гоце Делчев“, во претходно посочениот период ќе имаат изменета траса и тоа преку бул.„Кочо Рацин“, ул.„11 Октомври“, и ул.„Димитрие Чуповски“ а понатаму продолжуваат по својата траса.

Во обратна насока, автобусите ќе ја задржат постоечката траса.