ЈСП СКОПЈЕ СО ПОДДРШКА НА “КАМПАЊАТА ЗА ПОГОЛЕМА БЕЗБЕДНОСТ НА ПЕШАЦИТЕ ВО СООБРАЌАЈОТ”

ДЕНЕСКА ВО РАМКИТЕ НА “КАМПАЊАТА ЗА ПОГОЛЕМА БЕЗБЕДНОСТ НА ПЕШАЦИТЕ ВО СООБРАЌАЈОТ” ВО ОПШТИНА ЃОРЧЕ ПЕТРОВ (ПОТОЧНО НА АВТОБУСКАТА ПОСТОЈКА КАЈ КРУЖНИОТ ТЕК) БЕШЕ ОРГАНИЗИРАН НАСТАН НА РЕПУБЛИЧКИОТ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА, ПОДДРЖАН ОД ЈАВНОТО СООБРАЌАЈНО ПРЕТПРИЈАТИЕ СКОПЈЕ И ОПШТИНА ЃОРЧЕ ПЕТРОВ. 

НА НАСТАНОТ ПРИСУСТВУВАА ДИРЕКТОРОТ НА ЈАВНОТО СООБРАЌАЈНО ПРЕТПРИЈАТИЕ СКОПЈЕ, Г-ДИН ИГОР ЈАНУШЕВ, ПРЕТСЕДАТЕЛОТ НА РЕПУБЛИЧКИОТ СОВЕТ ЗА БЕЗБЕДНОСТ НА СООБРАЌАЈОТ НА ПАТИШТАТА, Г-ДИН СТОЈЧЕ СТАМЕНКОВСКИ И ГРАДОНАЧАЛНИКОТ НА ОПШТИНА ЃОРЧЕ ПЕТРОВ, Г-ДИН СОКОЛ МИТРЕВСКИ. 
“ЈАВНОТО СООБРАЌАЈНО ПРЕТПРИЈАТИЕ СКОПЈЕ ЈА ПОДДРЖУВА ОВАА КАМПАЊА, А ВОЕДНО КОНТИНУИРАНО ЌЕ ПРОДОЛЖИ ДА РАБОТИ НА ЗГОЛЕМУВАЊЕ НА БЕЗБЕДНОСТА И НА СИТЕ УЧЕСНИЦИ ВО СООБРАЌАЈОТ.
СЕ НАДЕВАМЕ ДЕКА ВАКВИТЕ КАМПАЊИ ЌЕ ПРИДОНЕСАТ ЗА ПОДИГАЊЕ НА СВЕСТА КАЈ СИТЕ УЧЕСНИЦИ ВО СООБРАЌАЈОТ, КАКО БИ СЕ НАМАЛИЛЕ СООБРАЌАЈНИТЕ НЕСРЕЌИ, А ВОЕДНО И АПЕЛИРАМЕ ДО СИТЕ УЧЕСНИЦИ ВО СООБРАЌАЈОТ ДА СЕ ОДНЕСУВААТ ОДГОВОРНО, ЗА ДОБРОТО НА СИТЕ.

ЈСП СКОПЈЕ ВО РАМКИТЕ НА ДЕНЕШНИОТ НАСТАН ЗАЕДНО СО ВОЛОНТЕРИТЕ ОД ЦРВЕНИОТ КРСТ НА МАКЕДОНИЈА, ЌЕ ДЕЛИ ЕДУКАТИВНИ ФЛАЕРИ НА ПАТНИЦИТЕ ВО НАШИТЕ АВТОБУСИ, СО ШТО ЌЕ ДАДЕМЕ ПРИМЕР ЗА ГРИЖАТА И БЕЗБЕДНОСТА НА ПАТНИЦИТЕ, КОИ ПО НАПУШТАЊЕТО НА АВТОБУСОТ, СТАНУВААТ ПЕШАЦИ – УЧЕСНИЦИ ВО СООБРАЌАЈОТ. 
ФЛАЕРИТЕ СЕ ПОРАКА ДО ПЕШАЦИТЕ ДА УЧЕСТВУВААТ ОДГОВОРНО ВО СООБРАЌАЈОТ, КОГА ПОМИНУВААТ УЛИЦА, НО И ДА БИДАТ ПРИМЕР НА ДЕЦАТА КАКО ТИЕ ДА СЕ ОДНЕСУВААТ ВО ИДНИНА”, ИЗЈАВИ ДИРЕКТОРОТ НА ЈСП СКОПЈЕ, Г-ДИН ИГОР ЈАНУШЕВ.
НА КРАЈ ПОРАКА ОД ДИРЕКТОРОТ НА ЈАВНОТО СООБРАЌАЈНО ПРЕТПРИЈАТИЕ СКОПЈЕ, ДА КОРИСТАТ ЈАВЕН ПРЕВОЗ, КАКО БИ СЕ НАМАЛИЛ СООБРАЌАЈНИОТ МЕТЕЖ ПО УЛИЦИТЕ.
БРОЈОТ НА СООБРАЌАЈНИ НЕЗГОДИ ВО КОИ УЧЕСТВУВАЛЕ ВОЗИЛАТА НА ЈСП СКОПЈЕ ВО 2014 ГОДИНА, ВО СПОРЕДБА СО 2013, Е НАМАЛЕН ЗА 11%.