ДЕМАНТ ПО ОБЈАВЕНАТА СТАТИЈА НА НЕДЕЛНИКОТ ФОКУС

Во врска со написот „Пензионерите за картички од ЈСП чекаат пред штаб на ВМРО-ДПМНЕ“ објавен во неделникот ФОКУС, ЈСП СКОПЈЕ ја информира јавноста дека сликањето на пензионерите се одвива исклучиво во просториите на пензионерските здруженија. Имено, канцелариите на пензионерското здружение во населба Ченто, се наоѓа веднаш до штабот на ВМРО-ДПМНЕ во оваа населба.

На сликата објавена во неделникот ФОКУС, се гледа дека лицата стојат пред канцелариите на пензионерското здружение, а не како што објавува неделникот пред штабот на ВМРО-ДПМНЕ.

ЈСП СКОПЈЕ го доставува овој демант со цел релевантно информирање на граѓаните. Сметаме дека со предметната статија се нанесува голема штета на компанијата и нејзиното домаќинско работење.

Линк од статијата во ФОКУС  http://fokus.mk/penzionerite-za-kartichki-od-jsp-chekaat-pred-shtab-na-vmro-dpmne/