Се известуваат граѓаните дека почнувајќи од Среда (19.10.2016 год.) поради изведување на градежни активности целосно ќе биде затворена за сообраќај дел од улица „Ѓорче Петров“ и тоа од потегот на кружнaта крстосница кај СП Планет до крстосницата со бул. „Македонска војска“.
Возилата од Јавниот градски превоз кои ги опслужуваат линиите 2, 2А, 5, 5А, 12, 11, 32, 56, 56А и 60 а кои се движат од Дексион кон Цeнтар т.е. од запад кон исток ќе бидат пренасочени од ул. „Ѓорче Петров,“ по бул.„ Македонска војска“ кај кружната крстосница кај црквата „Св Петар и Павле“ по бул. „Партизански одреди“ и продолжуваат по својата траса.
Во обратна насока т.е од Центар кон Дексион или во правец исток-запад, моторниот сообраќај и автобусите ќе бидат пренасочени по кружната крстосница на бул. „Партизански одреди“ со ул.„Ацо Шопов“ продолжуваат по бул.„Партизански одреди“ до кружната крстосница кај црквата „Св Петар и Павле“, потоа по бул.„ Македонска војска“ по ул. „Ѓорче Петров“ и продолжуваат по својата траса.